სიახლეები და მოვლენები

4-5 ივლისს, საქართველომ პირველად უმასპინძლა საერთაშორისო ენერგეტიკულ გამოფენასა და ფორუმს, რომლის მთავარ თემას წარმოადგენდა ქვეყნის, როგორც განახლებადი ენერგიის დერეფნის გადამწყვეტი როლის წარმოჩენა. ფორუმზე მოწვეულნი იყვნენ ენერგეტიკული სექტორის წარმომადგენლები, განახლებადი ენერგიის დეველოპერები, სამთავრობო სექტორი, ფინანსური ორგანიზაციები, როგორც საქართველოდან, ასევე მთელი მსოფლიოდან. ფორუმის პარალელურად გაიმართა გამოფენა, სადაც ინტელკომ ჯგუფი წარმოდგენილი იყო ენერგოუზრუნველყოფის სექტორის უახლესი მიღწევებით, ინოვაციებით და წამყვანი მსოფლიო  ბრენდების პროდუქციით.

ინტელკომ ჯგუფის საგამოფენო სივრცეში  ვიზიტორები დიდი ინტერესით გაეცნენ მაღალეფექტურ ორმხრივ მზის პანელებს, On Grid და Off Grid  ინვერტორებს, სმარტ UPS-ბი,  ღრმა განმუხტვის აკუმულატორებს  და ასევე კომპანიის მიერ მზის პანელებისთვის შემუშავებულ რკინა-ბეტონის კონსტრუქციის მაკეტს.

კომპანიის წარმომადგენლებმა სტუმრებს გააცნეს ტექნოლოგიური სიახლეები და  გაუზიარეს გამოცდილება განახლებადი ენერგიის სფეროში პროექტირებისა და ინსტალაციის მიმართულებით.

ინტელკომ ჯგუფი აქტიურად არის ჩართული განახლებადი ენერგიის განვითარებაში და მონაწილეობას იღებს მის პოპულარიზაციაში.