2022 წლის ივნისში „ინტელკომ ჯგუფმა“, თავისი კუთვნილი, ახალი ოფისის სახურავზე დაასრულა 40 კვტ. სიმძლავრის მზის მიკრო ელექტროსადგურის მონტაჟი და ჩაერთო ნეტო აღრიცხვის სისტემაში.

გაშვებიდან დღემდე, სადგურმა გამოიმუშავა 9 896 კვტ/სთ ელ.ენერგია, საპროგნოზო წლიური გამომუშავება შეადგენს 50 ათას კვტ/სთ-ზე მეტს, ხოლო ჩადებული ინვესტიციის ამოღების ვადა კი დაახლოებით 5 წელს.

შეგახსენებთ, რომ 2019 წელს „ინტელკომ ჯგუფის“ საქმიანობას დაემატა ახალი მიმართულება - მზის მიკროელექტროსადგურების პროექტირება და მონტაჟი, ასევე წამყვანი მსოფლიო ბრენდების მზის პანელების, ინვერტორების და სადგურის მოსაწყობად საჭირო სხვა კომპონენტების დისტრიბუცია.