საინფორმაციო ტექნოლოგიების სფეროში ერთ-ერთი წამყვანი კომპანია „ინტელკომ ჯგუფი“, მუშაობის 15 წლიანი გამოცდილებით, აცხადებს ვაკანსიას ქსელის ინჟინრის პოზიციაზე.
კომპანიის შესახებ დამატებითი ინფორმაციის გაცნობა შესაძლებელია შემდეგ მისამართზე: intellcom.net/ka/company/
ანაზღაურება და სამუშაო პირობები
- ფიქსირებული ხელფასი: თვეში 2000 ლარიდან (დამოკიდებულია კვალიფიკაციასა და გამოცდილებაზე);
- კვარტალური და საახალწლო პრემიები;
- ჯანმრთელობის დაზღვევა;
- ადგილობრივი და საერთაშორისო ტრენინგები;
- პროფესიული განვითარების და თანამდებობრივი დაწინაურების ხელშეწყობა;
სამუშაო ადგილი: ქ. თბილისი, ტერევერკოს ქ. 42. - "ინტელკომ ჯგუფის" ახალაშენებული, თანამედროვე და სრულად კეთილმოწყობილი ოფისი, საკუთარი მიწისქვეშა და მიწისზედა პარკინგით;
სამუშაო გარემო: კეთილგანწყობილი და მეგობრული გუნდი;
სამუშაო გრაფიკი: ორშაბათი-პარასკევი, 9:00-18:00 (შესვენება 1 საათი);
შვებულება: 24 სამუშაო დღე წელიწადში;
საკვალიფიკაციო მოთხოვნები:
- უმაღლესი ტექნიკური განათლება;
- CCNA სერტიფიკატი;
- MikroTik-ის ოპერაციულ სისტემებთან მუშაობის გამოცდილება ჩაითვლება უპირატესობად;
- WiFi და ოპტიკურ-ბოჭკოვანი ტექნოლოგიების სიღრმისეული ცოდნა / მუშაობის გამოცდილება ჩაითვლება უპირატესობად;
- ინგლისური ენის ცოდნა;
- B კატეგორიის მართვის მოწმობა;
მიმართულებები:
- როუტინგი და სვიჩინგი;
- კორპორატიული WiFi და WISP ტექნოლოგიები;
- ოპტიკურ-ბოჭკოვანი ქსელები;
- IP ტელეფონია და საკონფერენციო სისტემები;
მოვალეობები:
ქსელის ინჟინრის საქმიანობა მოიცავს მუშაობას როგორც ოფისში, ასევე საველე პირობებში.
დაინტერესებულმა პირებმა საჭიროა CV გამოაგზავნონ ელ. ფოსტაზე vacancy@intellcom.net და გზავნილის თემაში (Subject) მიუთითონ მიმდინარე ვაკანსიის დასახელება - „ქსელის ინჟინერი“.
გასაუბრება მოხდება მხოლოდ შერჩეულ კანდიდატებთან.
შპს "ინტელკომ ჯგუფის" მიერ გამოცხადებულ წინამდებარე ვაკანსიაზე გამოხმაურების შემთხვევაში, მათ შორის, თქვენი რეზიუმეს [CV] გამოგზავნით, თქვენ: ეთანხმებით, რომ შპს „ინტელკომ ჯგუფი“ უფლებამოსილია, კანონმდებლობით დადგენილი წესით, მიზნობრივად შეზღუდული ვადით დაამუშაოს თქვენი პერსონალური მონაცემები; ანიჭებთ შპს „ინტელკომ ჯგუფს“ უფლებას, თქვენი დასაქმების შესახებ უარყოფითი გადაწყვეტილების მიღების შემთხვევაში, თქვენგან მიღებული ინფორმაცია, მათ შორის, პერსონალური მონაცემები, შეინახოს და დაამუშაოს მათი მიღებიდან 6 (ექვსი) თვის განმავლობაში, დასაქმების შემდგომი შემოთავაზების მიზნით. დაუსაქმებლობის შემთხვევაში ამ ვადის გასვლისთანავე შპს „ინტელკომ ჯგუფი“ გაანადგურებს თქვენ მიერ გამოგზავნილ რეზიუმეს [CV] და კომპანიაში არსებულ პერსონალურ მონაცემებს.