"ინტელკომ ჯგუფის" დიდი ხნის პარტნიორმა კომპანიამ MikroTik მორიგი აღიარება მოიპოვა.
2022 წლის 14 დეკემბერს რიგაში ლატვიის ექსპორტისა და ინოვაციის ჯილდოების გადაცემის მორიგი ცერემონია გაიმართა. ცერემონია ტრადიციულად გახსნა ლატვიის პრეზიდენტმა. ეგილს ლევიტსმა ხაზი გაუსვა, რომ საზოგადოება დიდ სარგებელს იღებს იმ კომპანიებისაგან, რომლებიც მაღალ სტანდარტებს მოითხოვენ საკუთარი თავისა და პარტნიორებისაგან. ასეთი კომპანიები ოპერირებენ საუკეთესო პრაქტიკის შესაბამისად, ხელს უწყობენ და აფასებენ საკუთარ თანამშრომლებს, რათა მათ თავის მხრივ თავისი უნარებით, ცოდნით, ყველა რესურსის გამოყენებით ყოველდღიურად განავითარონ კომპანიები.
"ექსპორტის ჩემპიონის" ჯილდო 2022 წელს გადაეცა MikroTik-ს. კომპანია ახორციელებს ექსპორტს მსოფლიოს 120-ზე მეტ ქვეყანაში და მისმა საბაზრო ღირებულებამ გადააჭარბა ერთ მილიარდ ევროს. MikroTik ასევე აქტიურადაა ჩართული მრავალ მნიშვნელოვან სოციალურ პროექტში.
