ორგანიზაციის და გუნდების მართვის ეფექტიანობის გაზრდის მიზნით, ინტელკომ ჯგუფის ოფისში კომპანიის თანამშრომლებისთვის, გრანთ თორნთონ აკადემიის მიერ ჩატარდა სასწავლო კურსი ადამიანური რესურსების მენეჯმენტში.
მრავალწლიანი გამოცდილების მქონე პროფესიონალმა ტრენერებმა სალომე ზირაქაძემ და ნინო ჯოლიამ 28 საათიანი სესიების განმავლობაში მსმენელებს გააცნეს ადამიანური კაპიტალის მართვის და შრომის სამართლის საკითხები. ტრენინგი მოიცავდა, როგორც თეორიულ მასალას, ასევე პრაქტიკული მაგალითების განხილვას და კითხვა-პასუხს.
სესიის მსმენელებმა გაიუმჯობესეს თანამშრომელთა ეფექტურად მართვისთვის საჭირო კომპეტენციები, გაეცნენ ტალანტების შერჩევის, HR სტრატეგიის, თანამშრომელთა მოტივირების, შეფასების თანამედროვე მეთოდებს და ინსტრუმენტებს, შრომის სამართლის აქტუალური საკითხებს.
კურსის ბოლოს მონაწილეებმა შეაჯამეს შესწავლილი მასალა, წარადგინეს კომპანიის ადამიანური რესურსების მენეჯმენტის (HRM) სტრატეგიული პროექტი, რის შემდეგაც გადაეცათ დამადასტურებელი სერტიფიკატები.
