თბილისში, კნაუფი-ს მაღალტექნოლოგიური საწარმოო ხაზების მართვისა და მონიტორინგისთვის საჭირო ქსელის მოწყობისთვის გამოცხადებულ კონკურსში ინტელკომ ჯგუფი შეირჩა.

პროექტი მოიცავდა 5.7 ჰექტარ ტერიტორიაზე განთავსებული შენობა-ნაგებობების დატაცენტრთან ოპტიკურ-ბოჭკოვანი ქსელით დაკავშირებას და შენობებში ინდუსტრიული საკომუნიკაციო კარადების მოწყობას.

პროექტის დასასრულს განხორციელდა შესრულებული სამუშაოების ტესტირება, მარკირება, შედგა ნახაზები და განმარტებით ბარათთან ერთად გადაეცა დამკვეთს.

Knauf
კომპანია „კნაუფი“ დაარსდა 1949 წელს გერმანიაში და დღეისათვის წარმოადგენს სამშენებლო მასალებისა და სისტემების გლობალურ ბრენდს, რომელიც წარმოდგენილია ხუთივე კონტინენტზე და აერთიანებს 220-ზე მეტ საწარმოს. კნაუფი აწარმოებს თანამედროვე მშრალ მშენებლობის სისტემებს, ბათქაშსა და შესაბამის ინვენტარს, თბოიზოლაციის ერთიან სისტემებს, საღებავებს, დასასხმელ იატაკებსა და იატაკის სისტემებს, მანქანებს და ხელსაწყოებს აღნიშნულ პროდუქციაზე სამუშაოდ.