Ubiquiti, MikroTik, Teltonika, Uniview, HiLook, Draka და სხვა წამყვანი მსოფლიო ბრენდების ოფიციალური დისტრიბუტორი საქართველოში  -„ინტელკომ ჯგუფი“, აცხადებს ვაკანსიას კატეგორიის მენეჯერის პოზიციაზე.

კომპანიის შესახებ დამატებითი ინფორმაციის გაცნობა შესაძლებელია შემდეგ მისამართზე: intellcom.net/ka/company/

ვაკანსიები:

1. კატეგორიის მენეჯერი (კორპორატიული ქსელების მიმართულებით);
2. კატეგორიის მენეჯერი (უსაფრთხოების სისტემების მიმართულებით);
3. კატეგორიის მენეჯერი (ენერგოუზრუნველყოფის მიმართულებით).

ძირითადი მოვალეობები:

• გაყიდვების და ბაზრის ანალიზი;
• მარკეტინგული აქტივობების მართვა;
• მარაგების და პროდუქტების პორტფელის მართვა;
• მომწოდებლებთან ურთიერთობა;
• გაყიდვების მხარდაჭერა.

საკვალიფიკაციო მოთხოვნები:

• უმაღლესი განათლება ეკონომიკის ან საინფორმაციო ტექნოლოგიების მიმართულებით;
• მუშაობის მინიმუმ 2 წლიანი გამოცდილება IT ინდუსტრიაში / უსაფრთხოების სისტემებში, გაყიდვების მენეჯერის, მარკეტინგის სპეციალისტის, ინჟინრის, PreSales ინჟინრის, კატეგორიის ან ბრენდ მენეჯერის პოზიციაზე;
• ეფექტური კომუნიკაციის, პრეზენტაციის და მოლაპარაკების უნარები;
• საოფისე პროგრამების კარგი ცოდნა;
• ინგლისური ენის ცოდნა (მინიმუმ B2 დონე).

ანაზღაურება და ბენეფიტები:

• ხელფასი: 3000 ლარიდან (დამოკიდებულია კვალიფიკაციასა და გამოცდილებაზე);
• კვარტალური და საახალწლო პრემიები;
• ჯანმრთელობის დაზღვევა;
• ადგილობრივი და საერთაშორისო ტრენინგები;
• მივლინებები ქვეყნის ფარგლებს გარეთ (მომწოდებლებთან შეხვედრები, გამოფენები, კონფერენციები, და სხვადასხვა ღონისძიებები);
• პროფესიული განვითარების და თანამდებობრივი დაწინაურების ხელშეწყობა;
• რეგულარული კორპორატიული ღონისძიებები.

სამუშაო პირობები:

სამუშაო ადგილი: ქ. თბილისი, ტერევერკოს ქ. 42. - "ინტელკომ ჯგუფის" ახალაშენებული, თანამედროვე და სრულად კეთილმოწყობილი ოფისი, სასადილო ოთახით, 25 ადამიანზე გათვლილი საკონფერენციო ოთახით, შეხვედრების ოთახებით, გასართობი და სპორტული სივრცეებით, თანამშრომლებისთვის განკუთვნილი პარკინგით;
სამუშაო გარემო: კეთილგანწყობილი და მეგობრული გუნდი;
სამუშაო გრაფიკი: ორშაბათი-პარასკევი, 9:00-18:00 (შესვენება 1 საათი);
შვებულება: 24 სამუშაო დღე წელიწადში.

დაინტერესებულმა პირებმა საჭიროა CV გამოაგზავნონ ელ. ფოსტაზე vacancy@intellcom.net და გზავნილის თემაში (Subject) მიუთითონ მიმდინარე ვაკანსიის დასახელება - „კატეგორიის მენეჯერი“.

გასაუბრება მოხდება მხოლოდ შერჩეულ კანდიდატებთან.

შპს "ინტელკომ ჯგუფის" მიერ გამოცხადებულ წინამდებარე ვაკანსიაზე გამოხმაურების შემთხვევაში, მათ შორის, თქვენი რეზიუმეს [CV] გამოგზავნით, თქვენ: ეთანხმებით, რომ შპს „ინტელკომ ჯგუფი“ უფლებამოსილია, კანონმდებლობით დადგენილი წესით, მიზნობრივად შეზღუდული ვადით დაამუშაოს თქვენი პერსონალური მონაცემები; ანიჭებთ შპს „ინტელკომ ჯგუფს“ უფლებას, თქვენი დასაქმების შესახებ უარყოფითი გადაწყვეტილების მიღების შემთხვევაში, თქვენგან მიღებული ინფორმაცია, მათ შორის, პერსონალური მონაცემები, შეინახოს და დაამუშაოს მათი მიღებიდან 6 (ექვსი) თვის განმავლობაში, დასაქმების შემდგომი შემოთავაზების მიზნით. დაუსაქმებლობის შემთხვევაში ამ ვადის გასვლისთანავე შპს „ინტელკომ ჯგუფი“ გაანადგურებს თქვენ მიერ გამოგზავნილ რეზიუმეს [CV] და კომპანიაში არსებულ პერსონალურ მონაცემებს.